Një zëdhënës i qeverisë franceze tha se shumë detaje në lidhje me rrëzimin e avionit në veri të Moskës që supozohet se mbeti i vrarë edhe shefi i Wagner, Yevgeny Prigozhin mbeten të panjohura.

I pyetur nga televizioni francez France 2 nëse ishte i befasuar nga lajmi i përplasjes, Olivier Veran tha:

“Ne ende nuk i dimë kushtet në të cilat ndodhi ky aksident. Mund të kemi dyshime të arsyeshme.”, theksoi ai duke shtuar se kreu i grupit ushtarak privat ishte njeriu pas “punës së pistë të Putinit” dhe, nëse ai është vërtet i vdekur, do të linte pas “një rrëmujë të tmerrshme” në pjesë të mëdha të botës.

Veran tha se veprimet e Prigozhin janë “të pandashme” nga politika e presidentit Vladimir Putin. Veran u pajtua gjithashtu me deklaratën e presidentit amerikan Joe Biden se “në Rusi ndodh pak që Putini të mos jetë prapa”, duke thënë se “në parim kjo është një e vërtetë që ne mund ta konfirmojmë”./abcnews.al